Snart kan du bruke elsykkel i norske nasjonalparkar
(NPK-NTB): Friluftsmeldinga gjekk igjennom i Stortinget torsdag. Regjeringa vil opne fjell og utmark for bruk av framkomstmiddel utan motor.
– Friluftslivet er i endring, og nye aktivitetar tar naturen i bruk på nye måtar. Dette har vi lagt til rette for i Friluftsmeldinga som gjekk igjennom i Stortinget torsdag, seier stortingsrepresentant Jan Henrik Fredriksen (Frp).
I praksis betyr dette at langt meir vil tillatast enn tidlegare.
– No opnar vi for terreng- og elsyklar på turstiar og i nasjonalparkar. Det same gjer vi for hesteryttarar og dei som driv med hundespann. Friluftslivet er ein god arena for meistring og skaper gode sosiale arenaer, både for barn og vaksne. Gjennom friluftsliv vert den enkeltes helse og trivsel styrkt, seier Fredriksen.
Friluftslivet har stor betydning for folkehelsa. I Vista Analyses rapport «Samfunnsøkonomiske vikninger av friluftsliv» er innsparingspotensialet berekna til opp mot 80 milliardar kroner årleg om ein større del av befolkninga driv friluftsliv på jamleg basis. (©NPK)