Somalias statsminister lovar å undersøkje påstandar om koranskular

Somalias statsminister Hassan Ali Khayre seier landet har starta undersøkingar i koranskulesaka.

NRK har avslørt at norsk-somaliske barn blir sende til koranskular i Somalia, der det er meldt om mishandling og svært streng kustus. Somalias statsminister, som også er norsk statsborgar, seier han har diskutert saka med norske styresmakter.

- Vi har starta undersøkingar basert på bekymringane norske styresmakter har tatt opp, sa Khayre, som deltok på ein pressekonferanse på fredsmeklingskonferansen Oslo Forum på Losby gods tysdag.

- Vi gjer alle nødvendige tiltak for å sikre at barns rettar blir varetatt både i Noreg og Somalia. Eg vil diskutere detaljane med norske styresmakter, sa han.

(©NPK)

Somalias statsminister Hassan Ali Khayre (t.h.) svarte på spørsmål om dei omstridde koranskulane, dit norske barn har blitt sende som ein del av barneoppdraginga, på ein pressekonferanse på Losby gods tysdag. Til venstre utanriksminister Ine Eriksen Søreide og FNs generalsekretær António Guterres (midten). Foto: Terje Pedersen / NTB scanpix