Stepanov blir IOC-rådgivar
(NPK-NTB-STT): Den internasjonale OL-komiteen (IOC) har tilsett Vitalij Stepanov som rådgivar.
Saman med kona, løparen Julia Stepanova, spelte han ei sentral rolle då antidopingjegerar avslørte statsstøtta russisk doping.
Herr og fru Stepanov skjuler seg for tida i USA, der IOC-president Thomas Bach har fått møte duoen.
Vitalij Stepanov jobba høgt oppe i den russiske antidopingorganisasjonen. 30 år gamle Julija Stepanova har hatt suksess som 800-meterløpar, men vart tatt for doping i 2013.
Ho får no treningsstipend. Tidlegare i haust oppdaga WADA at Julia Stepanovas journalar var utsette for hacking.
Det var mykje takka vere varslaren Stepanova at WADA sette i gang ei omfattande etterforsking av russisk doping.
Ein rapport som vart presentert før OL i Rio de Janeiro avslørte omfattande statsstøtta dopingmisbruk i russisk idrett. (©NPK)