Theresa May opprørt over USAs behandling av migrantbarn
Bileta frå USA av innesperra barn av migrantar, er djupt opprørande, seier Storbritannias statsminister Theresa May. Ho vil ta opp saka med Donald Trump.
- Når det gjeld det vi ser i USA, så er bilete av barn som blir haldne i det som ser ut som bur, djupt opprørande. Dette er gale, seier May til britiske folkevalde.
President Donald Trump har fått kraftig kritikk for praksisen til styresmaktene med å ta barna frå folk som kryssar grensa ulovleg, og internera dei separat.
(©NPK)