Trump hevdar media diktar opp kjelder

Donald Trump gjekk på ny til angrep på media då han gjekk på talarstolen på den årlege konservative CPAC-konferansen.

Trump blei fredag den første sitjande presidenten som har talt på den årlege konferansen sidan Ronald Reagan.

Trump starta talen med å ta opp att tidlegare påstandar om at kjende amerikanske media fer med usanningar og formidlar såkalla falske nyheiter.

Presidenten påstod også at enkelte media diktar opp nyheitssaker og kjelder.

- Dei har ingen kjelder, sa Trump i talen.

Presidenten har i vekevis gått til kraftige angrep på pressa, og fredag tok han på nytt også opp att påstanden om at media er "fienden til det amerikanske folk".

Rundt rekna trekkjer CPAC (Conservative Political Action Conference) i delstaten Maryland rundt 10.000 deltakarar, av dei nesten halvparten studentar.

På konferanseprogrammet står mellom anna falske nyheiter, retten til å bera våpen, sosiale mediestrategiar og alt-right-rørslene.

Torsdag gjesta dei omstridde rådgjevarane til Trump, Kellyanne Conway og Steve Bannon, og stabssjef Reince Priebus og visepresident Mike Pence konferansen.

(©NPK)