USA-kjennar: Tilliten Trump har til Putin er merkverdig
Tilliten Trump har til Putin står i sterk kontrast til amerikanske ekspertar som seier at russiske dataangrep fortset som før, seier forskar Svein Melby.
Melby seier han finn det merkverdig at president Donald Trump vel å oversjå heilt ferske konklusjonar frå etterretningsorganisasjonane til USA og heller kjøpe forsikringa frå president Vladimir Putin om at Russland ikkje har blanda seg inn i det amerikanske presidentvalet i det heile.
- Det er ganske uforklarleg at Trump opptrer på denne måten. Han viser ei truskuld, føyeleg haldning overfor Putin, og det er det ingen grunn til å gjere, seier Melby til NTB.
(©NPK)