Utstyrsfeil då Johansson fall i Wisla

Robert Johansson (28) slapp med skrekken då han fall på 126 meter under trening i polske Wisla tysdag.

Robert Johansson (28) slapp med skrekken då han fall på 126 meter under trening i polske Wisla tysdag.

- Han er heldigvis ikkje skadd, berre skrubbsår på olbogen, seier landslagssjef Alexander Stöckl til NTB.

Dei norske hopparane er i Polen der plasthopping står på programmet til helga.

- Klipsen datt ut. Det var ikkje Roberts feil, men rett og slett utstyrsfeil, fortel Stöckl.

I hoppveka for nokre år sidan rota Daniel-André Tande vekk sjansen til å vinne samanlagt da han gløymde å feste klipsen i bindingen. Den gongen var det menneskeleg feil.

For Johanssons del var det snakk om rein utstyrsfeil.

- Robert hoppar igjen i morgon, forsikrar Stöckl før Sommer Grand Prix-rennet i helga.

Søre Ål-hopparen blei ein stor hit sist vinter med to bronsemedaljar i Pyeongchang-OL. Mannen med den karismatiske barten var også ein sentral del av det norske laget som tok OL-gull i lag.

Johansson var også med da Noreg nokre veker tidlegare vann lagkonkurransen under VM i skiflyging i Oberstdorf.

(©NPK)

Robert Johansson fall under trening i Wisla tysdag. Foto: Heiko Junge / NTB scanpix