Viste fram milliardprosjektet til Stortinget

Stortingspresident Tone Trøen (H) viste tysdag fram det nye kontoret til Stortinget i Prindsens gate 26. Prosjektet bygget høyrer til, kostar 2,3 milliardar.

Stortinget skal ta over bygget i Oslo i haust og skal etter planen vera klart til bruk tidleg i 2019. Det same gjeld varemottaket under Wessels plass, ifølgje ei pressemelding frå Stortinget.

Prosjektet er det same som førte til at Olemic Thommesen (H) trekte seg frå stillinga si som stortingspresident den 8. mars. På tre år auka kostnadsrammene for nytt post- og varemottak, ny innkøyringstunnel og rehabilitering av Prinsens gate 26 frå 1,1 milliardar til 2,3 milliardar kroner.

Etterfølgjaren hans Tone Trøen har avvist at kostnadsramma vil endra seg ytterlegare.

(©NPK)

Stortingspresident Tone Wilhelmsen Trøen på ein rundtur i det nye kontorbygget til Stortinget i Prinsens gt. 26. tysdag.
Foto: Vidar Ruud / NTB scanpix

Stortingspresident Tone Wilhelmsen Trøen og Marianne Andreassen, direktør for Stortingsadministrasjonen, var på ein rundtur i det nye kontorbygget til Stortinget tysdag. Foto: Vidar Ruud / NTB scanpix