Vladimir Vukicevic invitert til innandørs-VM
Noreg har utvida troppen til innandørs-VM i friidrett frå tre til fire utøvarar etter at Vladimir Vukicevic fekk spesialinvitasjon.
Frå før var Ezinne Okparaebo, Isabelle Pedersen og Hedda Hynne tatt ut til innandørsmeisterskapen i Birmingham.
Denne veka fekk Vladimir Vukicevic (Vidar) invitasjon til 60 meter hekk. Han klarte ikkje VM-kravet, men det var ikkje mange nok påmelde løparar på distansen.
Dermed fekk Norges Friidrettsforbund spesialinvitasjon.
- NFIF har behandla invitasjonen, og Vladimir Vukicevic er tatt ut som den fjerde utøvaren i den norske troppen, heiter det i ei melding frå friidrettsforbundet.
Okparaebo skal i aksjon på 60 meter, medan Isabelle Pedersen spring 60 meter hekk. Hedda Hynna skal i aksjon på 800 meter.
(©NPK)
Vladimir Vukicevic er klar for innandørs-VM. Foto: Jon Olav Nesvold / NTB scanpix