Zlatan klar for Göteborg-tur

(NPK-NTB-TT): Den svenske superstjerna Zlatan Ibrahimovic kan få sin debut for Manchester United mot Galatasaray i Göteborg laurdag.

– Ibrahimovic kjem til Landvetter saman med resten av troppen til Manchester United ved lunsjtid laurdag og flyr direkte heim til England, heiter det i ei pressemelding frå kamparrangørane.

34-åringen hadde sin fyrste trening med United torsdag. Dersom Zlatan får sin debut laurdag vil det i så fall bli hans fyrste kamp i karrieren for eit engelsk klubblag.

Zlatan blei etter EM-sluttspelet presentert som Manchester United-spelar. Laget har òg fått ny manager for sesongen. José Mourinho har leidd laget sitt i berre ein trekamp, og det var mot Borussia Dortmund under Kina-opphaldet. Der blei det blei 1-4-tap.

Den planlagde kampen mot Manchester City i Kina tidlegare i veka måtte bli avlyst på grunn av dårleg vêr.

Manchester United skal berre spele ein treningskamp til før seriestarten i Premier League, og det er mot Everton 3. august. Søndag 7. august skal laget spele Community Shield-kamp på Wembley mot Leicester. (©NPK)