150 millionar budsjettkroner til kamp mot slaveri
Regjeringa kjem neste år til å setje av 150 millionar kroner til eit eige bistandsprogram for å kjempe mot menneskehandel og vår tids slaveri.
KrF-leiar og barne- og familieminister Kjell Ingolf Ropstad hadde med seg budsjettlekkasjen då han talte til landsstyret til partiet fredag.
- Vi skal lage eit eige bistandsprogram for å kjempe mot vår tids slaveri. Vi set av 150 millionar kroner neste år, sa Ropstad.
- Eg håper det betyr at endå fleire menneske kjem seg ut av slaveri. At det førebygger at dei hamnar i kyniske bakmenns klør og blir utnytta på det grovaste, sa Ropstad.
Statsbudsjettet blir lagt fram 7. oktober.
(©NPK)
Partileiar Kjell Ingolf Ropstad talar til KrFs landsstyre på Økern i Oslo fredag.
Foto: Ole Berg-Rusten / NTB scanpix