22. juli-senter blir bevart i nytt regjeringskvartal
Stortinget slår tysdag fast at 22. juli-senteret i Oslo sentrum skal bli ein del av det nye regjeringskvartalet.
Ein samla kommunal- og forvaltingskomité står bak formuleringa som nasjonalforsamlinga sluttar seg til:
- Stortinget ber regjeringa sørge for at så mykje som mogleg av 22. juli-senteret slik det står i dag, bør bevarast og bli eit viktig element i det nye regjeringskvartalet.
AUF-leiar Ina Rangønes Libak er glad for semja i stortingsbehandlinga.
- Dette er viktig fordi det er ein av to stader i Noreg ein framleis ser tydelege bevis etter terroren 22. juli, seier ho til NTB.
I ei verda der konspirasjonsteoriar og alternative verkelegheitsforståingar får fotfeste, er det viktig å verne dei synlege bevisa på at angrepet skjedde, seier Libak. Ho vart sjølv skoten fire gonger på Utøya.
- Å verne 22. juli-senteret der det er, er viktig for å hindre at det skjer igjen, seier ho, og ber regjeringa følgje opp saka vidare.
EMBED START Custom 22. juli-senteret i det gamle kafebygget til høgblokka. Foto: Fredrik Varfjell / NTB scanpix
Varfjell, Fredrik EMBED END Custom(©NPK)
AUF-leiar Ina Rangønes Libak er glad for at partia på Stortinget er einige om å bevare 22.-juli-senteret i Oslo sentrum i det nye regjeringskvartalet. Foto: Terje Pedersen / NTB scanpix