23 koronasmitta innlagde på sjukehus – høgaste talet sidan juni
23 koronasmitta pasientar er måndag innlagde på sjukehus i Noreg. Det er sju fleire enn fredag og det høgaste talet innlagde sidan byrjinga av juni.
Ingen av pasientane får respiratorbehandling, opplyser Helsedirektoratet i ei oppdatering måndag ettermiddag.
17 av pasientane er innlagde ved Helse sør-aust, medan dei andre seks er innlagde ved Helse vest. Ved Helse Midt-Noreg og Helse nord er det ingen pasientar med påvist korosonasmitte.
Ved midnatt natt til måndag var det registrert 39 nye smittetilfelle siste døgn, ifølgje førebelse tal frå Meldingssystemet for smittsame sjukdommar (MSIS). Til saman gjennom heile pandemien er 12.897 personar registrerte smitta her til lands.