39 sannsynlege omikron-tilfelle på Oslo universitetssjukehus
Sidan 30. november har Pandemilab ved Oslo universitetssjukehus (OUS) screena 1.901 koronaprøver, og 39 har vore positive for omikronvarianten.
Det opplyser fagansvarleg bioingeniør Lise Andresen ved Pandemilab til Dagbladet.
Screening er ei prøve som ikkje gir endeleg resultat. For å kunne stadfeste at det faktisk dreier seg om omikron, må prøvene gjennom heilgenomsekvensering, eller det må gjennomførast andre testar.
(©NPK)