550.000 husstandar utan TV 2-kanalar etter brot i forhandlingane med Telenor
Telenor vil i tida framover ikkje ha lov til å sende kanalane til TV 2 på tenesta T-We. Fredag vart det brot i forhandlingane om TV-rettane.
– Vi er svært leie oss for at dette går ut over kundane våre, og kan forsikre om at vi gjer alt vi kan for å få på plass ein ny avtale med TV 2, seier direktør for TV og fastnett i Telenor Camilla Amundsen.
TV 2 og Telenor T-We har over lengre tid forhandla om ein ny distributøravtale og forhandla på overtid i over tre døgn. Telenor Noreg har no ikkje rettar til å sende innhald frå TV 2 før ein ny avtale er på plass.
– Vi vil forhandle vidare og gjer alt vi kan for å få til ein avtale som gir kundane det dei vil ha. I mellomtida kan kundane velje mellom økonomisk kompensasjon eller fleire poeng for å få tilgang til meir innhald, seier Amundsen.
TV-tenesta T-We samlar nesten 150 kanalar og strøymetenester i eitt TV-univers til over 550.000 norske husstandar.