70 tilsette mistar jobben etter NLI Subsea-konkurs

– Vi blei som dotterselskap dregne med i dragsuget, seier administrerande direktør Ingvald Torblå ved NLI Odda til Hardanger Folkeblad.

Bedrifta er den tredje største i Odda i Hordaland. Bustyret til NLI Subsea gav onsdag beskjeden om at dei 70 tilsette mistar jobbane sine.

Tidlegare i år la NLI ned produksjonen i Larvik. For fabrikkane til NLI i Asker og Sandefjord blir det framleis jobba med å finne ei løysing, opplyser styreleiar Bjarte Røyrvik til E24.