Aamot-statuetten til Synnøve Hørsdal

Prisen vart delt ut i samband med Film & Kinos representantskapsmøte i Oslo. I tillegg til å vere filmprodusent, er Hørsdal dagleg leiar og medeigar i produksjonsselskapet Maipo Film.

– Ho har ikkje berre produsert framifrå filmar, men også deltatt aktivt i å forme ut den norske filmpolitikken og bidratt til gode rammevilkår for filmproduksjon, skriv Film og Kino i ei pressemelding.

Aamot-statuetten vert delt ut til personar som har gjort ein framifrå innsats i eller for norsk film eller filmproduksjon. Statuetten er laga av skulptør Arne N. Vigeland. (©NPK)