Al-Qaida-leiar drepen i Kashmir

Indiske tryggingsstyrkar har drepe ein opprørsleiar som skal ha hatt band til terrornettverket al-Qaida i Kashmir.

Zakir Musa vart drepen i ei skotveksling med tryggingsstyrkar i Tral-området sør i Kashmir torsdag kveld, opplyser indisk politi.

Al-Qaida hevda i 2017 at Musa hadde overtatt som leiar av ei av dei tilknytt gruppene deira, Ansar Ghawzat-ul-Hind, etter at han forlét Kashmirs største opprørsgruppe Hizbul Mujahideen.

Opprørsleiarar som kjempar mot indisk styre i Kashmir har fleire gonger nekta for at dei har band til al-Qaida eller andre grupper og nettverk utanfor regionen.

Kashmir er delt i ein indisk og ein pakistansk del, og dei to landa har lege i konflikt om regionen sidan 1947.

Sidan 1989 har det gått føre seg eit opprør i den indiskstyrte delen, der rundt 50.000 menneske er drepne. India har skulda Pakistan for å støtte opprøret, noko pakistanske styresmakter nektar for.

(©NPK)