– Danmark spreier svinesjukdom til heile verda

Dei siste undersøkingane frå det danske mattilsynet, Fødevarestyrelsen, i 2014 viser at 63– 70 prosent av svinebestandane i Danmark er smitta av MRSA. I dag reknar ekspertar med at talet er enda høgare.

Landbrukspolitisk talsmann for partiet Alternativet Christian Poll ber miljø- og matminister Espen Lunde Larsen (V) om å innføre eit krav om at danske griser blir testa for MRSA før dei blir selt.

– Vi har eit moralsk ansvar for å opplyse om det dersom dei grisane vi sel er smitta, seier Poll. Han ber også ministeren gjere greie for kvifor Danmark ikkje har rapportert om MRSA-situasjonen til EU, som Tyskland og Polen har gjort. (©NPK)