– DNB braut retningslinjer i skatteparadis-sak

Ifølgje advokatfirmaet blei retningslinjene brotne på to punkt, opplyser DNB i ei pressemelding.

Dei peikar på at etableringa av tenestetilbodet ikkje blei godkjent etter instruksen for nye produkt. I tillegg meiner advokatfirmaet at etikkretningslinjene ikkje blei følgde ved at det ansvarlege forretningsområdet ikkje stoppa tenestetilbodet i påvente av ei nærmare omdømmevurdering.

– Styret har vore opptekne av å få best mogleg innsikt i kva som har skjedd. Hjort har gjort ein grundig jobb og har kome med sine sjølvstendige vurderingar av det dei har avdekt. Gjennomgangen deira i styret har gitt oss ei fullstendig oversikt over saka og er eit godt grunnlag for læring, seier Anne Carine Tanum, styreleiar i DNB, i pressemeldinga.

Undersøkingsteamet i Hjort er leidd av advokat Kristin Veierød, og arbeidet har teke fire månader. Hjort fekk teknisk bistand til å kopiere DNBs dataserverar i Noreg og Luxembourg og har gjennomgått eit svært omfattande dokumentmateriale. I tillegg har Hjort intervjua over 30 noverande og tidlegare tilsette i DNB. (©NPK)