– Vrakdelar frå egyptisk fly funne i Middelhavet

(NPK-NTB-Ritzau): Vrakdelar frå det sakna egyptiske flyet er funne sør for den greske øya Karpathos, melder gresk TV, ifølgje Reuters.

npk@npk.no

Publisert: 19.05.2016 kl 15:09

To døde personar er dessutan funne i sjøen der flyet styrta, melder TV-kanalen Al Arabiya.

Ifølgje greske tenestemenn er det funne to oransje gjenstandar som blir knytt til flyet som torsdag styrta i Middelhavet med 66 personar om bord.

Den egyptiske ministeren for sivil luftfart, Sherif Fathi, seier at egyptiske styresmakter ikkje ser vekk frå at flystyrten kjem av ei terrorhandling. (©NPK)