Andrine Hegerberg er klar for Roma

Andrine Hegerberg forlèt franske PSG til fordel for italienske Roma.

Det stadfestar den italienske toppklubben på Twitter fredag.

Hegerbergs agent Victor Bernard opplyser overfor TV 2 at 26-åringen har signert ein toårskontrakt med klubben, som enda på fjerdeplass i Serie A førre sesong.

Fleire klubbar har vore interesserte i å sikre seg tenestene til midtbanespelaren. Det har gått rykte om mellom anna AC Milan og Real Sociedad.

26-åringen blir dermed Noregs nyaste tilskot i italiensk fotball. Måndag vart Sandviken-kaptein Stine Hovland klar for AC Milan.

Hegerberg signerte for PSG i januar 2018. Ho har tidlegare spelt i Kolbotn, Stabæk, Turbine Potsdam, Kopparbergs/Göteborg og Birmingham.

(©NPK)

Andrine Hegerberg har signert ein toårskontrakt med Roma. Foto: Berit Roald / NTB scanpix