Arbeidsløysa fell i USA
(NPK-NTB-AFP): Arbeidsløysa fell i USA og var i oktober på 5,0 prosent, det lågaste sidan byrjinga av 2008, viser tal frå styresmaktene.
Ifølgje det amerikanske arbeidsdepartementet vart det skapt 271.000 nye arbeidsplassar i førre månad, noko som bidrog til at arbeidsløysa fall frå 5,1 til 5,0 prosent.
Den gjennomsnittlege timelønna til amerikanske arbeidarar auka med 2,5 prosent frå same månad året før. (©NPK)