Auke i resultatet til Orkla i andre kvartal
Daglegvareprodusenten Orkla auka driftsresultatet i andre kvartal med 8,7 prosent til 1,2 milliardar kroner. Merkevareverksemda til selskapet har framgang.
Driftsinntektene auka med 5,3 prosent til 11,1 milliardar kroner.
Merkevareverksemda til selskapet har ein framgang i driftsresultatet på 16 prosent. Framgangen kjem mellom anna av kostnadsreduserande tiltak knytt til koronapandemien og produktivitetsforbetringar.
– Vi har lagt bak oss eit halvår som har vore prega av den største krisa i fredstid. I mars var det ei betydeleg hamstring i daglegvarebutikkane. Etter ein stille start på andre kvartal har voluma igjen teke seg opp, seier konsernsjef Jaan Ivar Semlitsch i Orkla.
(©NPK)
Konsernsjef Jaan Ivar Semlitsch i Orkla seier det er gledeleg at selskapet har lukkas med å halde oppe tilnærma normal drift i verdikjeda under koronapandemien. Arkivfoto: Håkon Mosvold Larsen / NTB scanpix