Avis: Sørloth venta til medisinsk test i Leipzig måndag
Alexander Sørloth skal visstnok gjennom ein grundig helsesjekk i Leipzig måndag. Overgangen kan bli offentleggjord om kort tid.
Det skriv lokalavisa Leipziger Volkszeitung. Går den medisinske testen som planlagt, vil klubbskiftet bli sluttført raskt.
Sørloth skal ha opphalde seg i Tyskland nokre dagar, men endeleg punktum for overgangssaka lèt framleis vente på seg.
– Vi er på oppløpssida, sa Leipzig-sjef Oliver Mintzlaff til tyske Sky ifølgje avisa Bild etter 3-1-sigeren over Mainz søndag.
Fleire tyske og tyrkiske medium melder at overgangssummen kan ende på cirka 260 millionar kroner. Dette skal visstnok delast likt mellom Trabzonspor og Crystal Palace.
Det godt over ein månad sidan dei første rapportane om koplinga til Leipzig kom.
5. september snakka Leipzig-trenar Julian Nagelsmann ope om nordmannen for første gong.
– Sørloth er sikkert ein spelar som kan hjelpe oss. Han skåra mange mål førre sesong. Kan han halde oppe den utteljinga i Bundesliga, ville det vore flott, sa han.
Nordmannen kan få sin debut borte mot Leverkusen laurdag dersom overgangen går i boks.
Sørloth blir samanlikna av fleire med landslagskollega Erling Braut Haaland. Begge er store og fysiske spelarar.
Eit mogleg møte mellom dei ligg eit stykke unna. Leipzig og Borussia Dortmund møtest ikkje i Bundesliga før 9. januar.
(©NPK)
Alexander Sørloth synest å rykke stadig nærare eit klubbyte til Leipzig. Foto: Håkon Mosvold Larsen / NTB