Biden: – Trump støtta definitivt eit opprør

Kommentaren kom timar etter at høgsteretten i delstaten Colorado diskvalifiserte Trump frå valet i delstaten. Dei meiner han gjorde seg skuldig i oppvigling då han eggja tilhengarar i ein tale 6. januar 2021. Få minutt seinare storma tilhengarane kongressbygningen.

Retten viste til ei lite brukt føresegn i den amerikanske grunnlova som nektar personar som har gjort seg skuldige i «opprør eller oppvigling» å ha eit offentleg embete.

– Eg lèt domstolen ta den avgjerda. Men han støtta definitivt eit opprør. Det er ingen tvil om det, null og niks, sa Biden onsdag.

(©NPK)

USAs president Joe Biden i Wisconsin onsdag. Foto: Evan Vucci / AP / NTB

USAs ekspresident Donald Trump vart tysdag diskvalifisert frå valet i Colorado. Foto: Charlie Neibergall / AP / NTB