Bjørgen vart mamma igjen
Marit Bjørgen og Fred Børre Lundberg vart laurdag foreldre for andre gong.
Det er Lundberg som stadfestar fødselen overfor Aftenposten.
- Kan stadfeste at det kom eit nytt medlem av familien på laurdag. Alt står bra til med både mor og gut, skriv han i ei tekstmelding til avisa.
Den nye verdsborgaren var 51 centimeter lang og vog 3.678 gram, men har så langt ikkje fått noko namn.
- Det er like stort og spesielt som det var første gongen, seier Lundberg.
Frå før har han sonen Marius saman med Bjørgen.
Langrennsdronninga Marit Bjørgen avslutta karrieren etter førre sesong.
(©NPK)
Fred Børre Lundberg og Marit Bjørgen blei foreldre igjen. Foto: Geir Olsen / NTB scanpix