Boksing: Mindaugas vidare til OL-kvalifisering

Gedminas Mindaugas vann den første kampen sin i OL-kvalifiseringa i boksing då han slo Imre Balasz Bacskai i 16-delsfinalen i 75-kilosklassen i London måndag.

Den 23 år gamle boksaren som er fødd i Litauen vann med dommarstemmene 4-1. Han tapte den første runden, men varta opp med varierande slag mot motstandaren sin i dei to neste rundane og var klart best.

Mindaugas var spesielt effektiv med dei tunge kroppsslaga sine og kombinasjonar. Den ungarske veteranen var derimot farleg på kontringar og fekk inn ein del treffarar på den måten.

Neste runde blir motstanden verre for Mindaugas. Då skal han ut mot boksaren som er toppranka i 75-kilosklassen, russaren Gleb Baksji. Den kampen går onsdag.

(©NPK)