Bombe mot moské under fredagsbønna i Quetta
Ein mann vart drepen og 15 såra i ein bombeeksplosjon i ein moské under fredagsbønna i den pakistanske byen Quetta.
Tilstanden til tre av dei såra er kritisk, opplyser lokale tenestemenn.
Eksplosjonen skjedde i ein moské i bydelen Pashtoonabad, og bomba vart utløyst ved hjelp av fjernkontroll, opplyser polititalsmannen Abdul Razzak Cheema.
Inga militant gruppe har tatt på seg ansvaret for bomba, men Quetta har lenge vore ramma av sekterisk vald, mykje retta mot Pakistans sjiamuslimske minoritet.
I Pashtoonabad-området bur det likevel flest sunnimuslimar, og moskeen som vart ramma var òg sunnimuslimsk.
(©NPK)