Brann-spelar i karantene etter kontakt med koronasmitta

Branns kantspelar Gilli Rólantsson har ikkje kunna trene med laget denne veka fordi han har vore i kontakt med ein koronasmitta person.

Rólantsson har halde seg heime og får ikkje kome tilbake til Brann Stadion før han har fått svar på koronatesten sin.

– Gilli melde ifrå til oss med éin gong, og han har ikkje vore på stadion sidan han fekk vite det, seier sportssjef Rune Soltvedt til Branns nettstad.

Gilli Rólantsson har spelt fem kampar som innbytar for Brann i år.

(©NPK)

Gilli Rólantsson må sjekkast for koronavirus etter å ha vore i kontakt med ein smitta person.
Foto: Trond Reidar Teigen / NTB scanpix