Cameron vil snakke menneskerettar med Kina
(NPK-NTB-Reuters): Statsminister David Cameron seier han vil ha ein open diskusjon med Kina om menneskerettar, men at eit tett økonomisk samarbeid er ein føresetnad for å få det til.
På ein felles pressekonferanse med den kinesiske presidenten. Xi Jinping, onsdag sa Cameron at handel og økonomisk samarbeid gjer det mogleg å snakke om andre spørsmål, som menneskerettar, med Kina.
Xi sa på si side at han meiner det er svært viktig å verne om menneskerettane. Men når det gjeld menneskerettsspørsmål, er det alltid rom for forbetring i verda, slo han fast.
Cameron har fått kritikk for å ha retta for lite merksemd mot Kinas brot på menneskerettane mens Xi har vore på statsbesøk i Storbritannia. (©NPK)