Canada innfører digitalskatt
Canada planlegg å innføre digitalskatt på selskap som tilbyr varer og tenester på nett, opplyser finansminister Chrystia Freeland.
Den nye digitalskatten vil bli innført frå 1. januar 2022 og vert venta å bringe inn rundt 23 milliardar kroner over fem år.
Dagens skattesystem gir ifølgje Freeland utanlandske IT-gigantar ein urettvis fordel og svekkjer konkurranseevna til canadiske selskap.
Blant IT-gigantane Canada ønskjer å skattleggje er Apple og Googles morselskap Alphabet, og dessutan strøymeselskap som Spotify og Netflix.
(©NPK)
Canadas finansminister Chrystia Freeland varslar skattlegging av utanlandske IT-gigantar.
Foto: The Canadian Press / AP / NTB