Ciccone spurta frå Roglic på den 2. etappen av Volta a Catalunya

Trioen rykte frå resten av hovudfeltet og spurta om siger opp til toppen av den ikkje-kategoriserte stigninga mot Vallter. Den andre etappen starta i Mataró og var 165,4 kilometer lang.

– Eg kjenner meg bra. Det er ein fantastisk dag for meg. Eg sa i dag tidleg at eg ønskte å vinne, sa Ciccone i eit intervju med arrangøren vist på Discovery+.

Trioen enda elleve sekund framfor dei næraste utfordrarane Mikel Landa, Adam Yates og João Almeida i mål.

Roglic beheld likevel leiartrøya framfor Evenepoel og Ciccone etter han gjekk til topps i den første etappen inn til San Feliu de Guíxols.

Uno-X-ryttar Torstein Træen vart beste nordmann på etappen på 35.-plass, to minutt og 57 sekund bak Ciccone. Det norske Uno-X-laget er på start med eit solid mannskap i det spanske etapperittet.

Volta a Catalunya går over sju etappar og endar i Barcelona 26. mars. Onsdag skal sykkelstjernene ta seg frå Olost til La Millina. Det er ein 180,6 kilometer lang etappe med fleire kategoriserte stigningar.

(©NPK)