Curlingkvinnene vann igjen

Skip Marianne Rørvik og dei norske curlingkvinnene slo Latvia overtydande 10–4 og er garantert to omspelssjansar om billett til VM i mars.

Sigeren på fredag var den sjette av seks moglege for det norske laget i VM-kvalifiseringa. Laurdag ventar Danmark i omspelet om VM-plass. Vinnaren er klar for meisterskapen i Canada, medan taparen møter Latvia til duell om den siste VM-billetten.

Noreg kom godt i gang mot latviarane og leidde 5–2 etter fem omgangar. Deretter reduserte motstandarane til 3–5, men Noreg tok to nye poeng i omgangen etter.

Då det norske laget sikra tre poeng og 10–4-leiing i den niande omgangen, gav Latvia opp.

Danmark slo samtidig Hongkong 20–2 og sikra andreplassen i grunnspelet i Lohja i Finland.

Forutan skip Rørvik speler Mille Haslev Nordbye, Eirin Mesloe og Martine Rønning for Noreg.

(©NPK)

Marianne Rørvik (midten) og Noreg nærmar seg VM-plass.
Foto: Geir Olsen / NTB