Klargjør siden...

Dagbladet og CNN startar samarbeid

(NPK-NTB): Dagbladet og CNN inngår samarbeid om deling av innhald.

CNN International Commercial og Dagbladet har inngått ein avtale som gir Dagbladet tilgang til CNNs innhald for bruk på alle flatene til Dagbladet – nett, mobil, nett-tv og i papirutgåva, skriv Kampanje.

Dagbladet vil også levere innhald til CNN i samband med store nyheitshendingar. Avtalen gjeld den norske marknaden og trer i kraft med ein gong.

– Web-tv er ein stadig viktigare del av nyheitsarbeidet vårt, og vi er stolte av å inngå eit partnarskap med den mest kjente nyheitskanalen i verda, seier sjefredaktør John Arne Markussen.

Han meiner samarbeidet vil gi Dagbladet betre utanriksdekning.

– Eit innhaldssamarbeid med CNN vil bety at lesarane våre får ei breiare dekning av utanriksstoff på web-tv, meir analyse og betre nærvær ved store hendingar og større arrangement. Særleg vil det gjelde USA der ein no står føre eit svært spennande og annleis presidentval, seier sjefredaktøren. (©NPK)

Annonse