Tips oss:
Tips
Sentralbord: 70 07 44 22 Mobil: 995 22 999
Kontakt
Danmark kan vere på veg mot det første handballgullet sitt for kvinner sidan 2004. I EM-semifinalen mot Montenegro vart det 27-23-siger.
Publisert: 18.11.2022 kl 19:32
Sist oppdatert: 18.11.2022 kl 20:24
Danmark slo Noreg 31–29 i den avgjerande hovudrundekampen onsdag. Utfallet der gjorde at det venta lettare motstand i semifinalen for Danmark.
Danskane leidde 14–10 ved pause mot Montenegro. Det vart til 14–14 på nokre få minutt etter kvilen, men så byrja kreftene å ebbe ut for montenegrinarane. Montenegro nyttar stort sett berre åtte–ni spelarar i kampar mot dei beste laga. Det har sin pris.
Danmark gjekk opp til 20–15. Det vart det avgjerande rykket.
I andre semifinalen i kveld møtest Noreg og Frankrike. Det er laga som har vunne dei tre tidlegare meisterskapane: Noreg med EM-gull i 2020 og VM-tittel i fjor. Frankrike vart OL-vinnar i 2021.
Danmark står utan gull i meisterskap for damer sidan OL-tittelen i 2004.
(©NPK)
Danmarks Kathrine Heindahl i EM-kampen i handball mot Montenegro. Foto: Beate Oma Dahle / NTB
Danmarks målvakt Sandra Toft i EM-semifinalen i handball mot Montenegro. Foto: Beate Oma Dahle / NTB