Danmark skjerpar koronatiltaka
Danske styresmakter innfører krav om munnbind innandørs i offentlege lokale. Det maksimale talet på menneske som kan samlast, blir sett ned frå 50 til 10.
Statsminister Mette Frederiksen presenterte innstrammingane fredag.
– Vi veit godt at eit forsamlingsforbod på ti personar er veldig inngripande, erkjende ho.
Kravet om bruk av munnbind vil mellom anna gjelde på daglegvarebutikkar og apotek. Påbodet gjeld i første omgang til 2. januar.
Frå måndag blir dessutan forbode alkoholsal etter klokka 22.
Det siste døgnet er det registrert 859 nye koronatilfelle i Danmark. Det er det høgste talet hittil.
(©NPK)
Statsminister Mette Frederiksen presenterte dei nye skjerpa koronatiltaka fredag. Foto: Philip Davali / NTB