Datatilsynet fryktar misbruk av helseopplysningar

(NPK-NTB): Datatilsynet fryktar at helseopplysningar kan kome på avvege, dersom forslaget til Helsedepartementet om å gi fleire yrkesgrupper tilgang til reseptopplysningar blir vedteke.

npk@npk.no

Publisert: 20.07.2016 kl 19:55

Tilsynet meiner departementet burde ha greidd ut dei moglege konsekvensane i høyringsforslaget om endringar i kjernejournal- og reseptformidlarforskriftene.

I forslaget skriv departementet at endringane ikkje får «personvernmessige konsekvensar av betyding».

Men endringane vil innebere auka tilgang til helseopplysningar, redusert kontroll, utvida lagringstid av opplysningar og større risiko for uautorisert bruk, understreka tilsynet.