Den nye virusvarianten har fått namnet omikron
Den nye virusvarianten som først vart påvist i det sørlege Afrika, har fått namnet omikron, opplyser Verdshelseorganisasjonen (WHO).
I ei fråsegn fredag seier WHO at den nye virusvarianten «gir grunn til bekymring».
Virusvarianten vart først påvist i Sør-Afrika. Belgia kunngjorde fredag at det var registrert eitt smittetilfelle der.
Ei rekkje land, blant dei Noreg, har innført innreiserestriksjonar frå sju land i det sørlege Afrika som følgje av den nye virusvarianten.
(©NPK)