DN: Skatteetaten tek pant i Kygos villa i Bergen – saksøkjer artisten for 15 millionar kroner
Kyrre Gørvell-Dahll, betre kjent som Kygo, krevst for ei ubetalt skatterekning i millionklassen av Skatteetaten. – Ei misforståing, seier Kygos talsperson.
Ifølgje Dagens Næringsliv er Gørvell-Dahll saksøkt av Skatteetaten, som krev over 15 millionar kroner av artisten. Det er teke pant i gigantvillaen hans ved Paradis i Bergen fordi Skatteetaten meiner at han skuldar skatt, skriv avisa.
Den storslåtte villaen i Bergen kjøpte Kygo for 41 millionar kroner tilbake i 2018. Ein talsperson for artisten meiner det heile er ei misforståing.
– Det kjem ei misforståing av og forgløyming frå vår side. Advokaten vår har vore i kontakt med Skatteetaten, og vi håpar å få ordna dette så snart som mogleg, seier Gørvell-Dahlls stefar og talsperson Jan Magnus Bjordal
Ifølgje likningstala for 2020 hadde Gørvell-Dahll ei inntekt på 46,2 millionar kroner og ein formue på 103 millionar kroner. Han betalte 12,4 millionar i skatt. Både inntekt og formue krympa betrakteleg frå toppåret 2019, då artisten tente 77,4 millionar kroner og hadde ein formue på nesten 133 millionar kroner.
(©NPK)
Kygo (Kyrre Gørvell-Dahll) har hamna i klammeri med Skatteetaten, som meiner at artisten ikkje har betalt inn det han skuldar i skatt. Foto: Vegard Wivestad Grøtt / NTB