Dødstala stig etter flaum i Indonesia

Hardast ramma er Garut-distriktet, der flaumvatn reiv med seg både bygningar og personar. Blant dei døde og sakna er det mange barn under 10 år, ifølgje styresmaktene i regionen.

Over 1.000 menneske har blitt evakuert frå heimane sine i Garut-distriktet og innkvartert i teltleirar. Redningsmannskap og militært personell er sendt til området for å hjelpe til i leitinga etter dei sakna, mens dronar blir brukt for å få eit oversyn over skadane. Ifølgje styresmaktene er det nok mat og reint vatn i området.

Fleire døde blei også funne i Sumedang-området på Java etter eit jordskred.

Flom og jordskred er relativt vanleg i Indonesia i regntida. I juni mista nesten 50 menneske livet etter eit kraftig regnvêr som skapte flaum og jordskred sentralt på Java. (©NPK)