Dødstalet i Beirut stig til 178
Dødstalet etter eksplosjonsulykka i Beirut har stige til 178, opplyser FN-organet Ocha. Minst 30 er sakna.
I tillegg er omkring 6.000 skadde, skriv Ocha på nettsidene sine.
Hamna i Beirut er redusert til rundt 30 prosent av den normale kapasiteten sin. Verdshelseorganisasjonen (WHO) opplyser samtidig at seks sjukehus og 20 helsesenter vart skadde i den enorme eksplosjonen førre veke.
Tidlegare er det opplyst at tre sjukehus og 15 helsesenter var ramma.
(©NPK)
Mannskap leitar fredag framleis etter sakna ved krateret som oppstod då eit lager med fleire tusen tonn ammoniumnitrat eksploderte i Beirut førre veke. Foto: Hassan Ammar / AP / NTB scanpix