Dyrevernorganisasjon utlovar 500.000 i dusør i kampanje mot «turbokyllingar»

Dusøren er ledd i ein større annonsekampanje for å få daglegvareselskapet Coop til å fjerne turbokyllingar frå butikkhyllene, skriv organisasjonen i ei pressemelding.

Såkalla «turbokyllingar» er hurtigveksande kyllingar som blir avla for å vekse seg store på kort tid.

Rema 1000, Joe and the Juice, 7-eleven og Narvesen har slutta å selje og nytte slike kyllingar, og Norgesgruppen har teke steg i den retninga, men Coop skal ikkje ha nokon planar om dette.

Utspelet kjem etter at Coop har avvist å la Anima dokumentere forholda på gardsbruka der «turbokyllingane» deira lever.

Anima ønskjer å finne ein bonde som vil la dei dokumentere forholda i ein konvensjonell kyllinghall ved å montere kamera i kyllinghallen og invitere journalistar til å komme inn og sjå forholda.

Organisasjonen Dyrevernalliansen overleverte tidlegare denne månaden Coop over 10.000 underskrifter som ber kjeda slutte å selje slike kyllingar.

Coop har tidlegare avvist overfor NRK at dei ikkje tek dyrevelferd på alvor og vist til at kundar kan velje mellom kva slags kyllingar dei vil kjøpe i butikkane deira.

(©NPK)

Coop har avvist å la dyrevernorganisasjonen Anima dokumentere forholda på gardsbruka som leverer kyllingane dei sel.
Foto: Terje Pedersen / NTB / NPK