Enda eit barn smitta av salmonella på St. Olavs

Det opplyser sjukehuset fredag, skriv Adresseavisen.

– Vi har gode haldepunkt for at dei tre barna fekk smitten i same periode, seier fagdirektør Runa Heimstad ved St. Olavs hospital til avisa.

Det er tatt prøver av alle barna i den avdelinga der dei tre barna som blei smitta var innlagt. Alle prøvane er analysert, og det er ingen fleire som har testa positivt, opplyser sjukehuset.

Førre fredag døydde eit barn på sjukehuset som følgje av salmonellasmitte. Onsdag opplyste St. Olavs at nok eit barn er smitta, men barnet vert betre, ifølgje sjukehuset. St. Olavs opplyste torsdag at dei meiner smittekjeda er broten. (©NPK)