EU-land utvidar forsvarssamarbeid
EUs forsvarsministrar aukar talet på felles forsvarsprosjekt med 13. Forsvarssamarbeidet PESCO består no av 47 slike prosjekt.
Den nye oversikta over prosjekt som inngår i PESCO - det permanente, strukturerte samarbeidet til unionen på forsvarsfronten - vart vedtatt på forsvarsministermøtet på tysdag i Brussel.
Fem av dei nye prosjekta er treningsprogram. Andre prosjekt handlar om å styrke samhandlinga og utvikla kapasiteten til lands, til havs og i lufta.
Det utanriks- og sikkerheitspolitiske samarbeidet PESCO vart etablert for to år sidan. I mars 2018 vart dei første 17 prosjekta vedtatt, og i november same år vart ytterlegare 17 prosjekt lagt til.
PESCO skal vere ei fast ramme for sikkerheits- og forsvarssamarbeid mellom dei landa som ønsker å delta. Deltakinga varierer frå prosjekt til prosjekt, men 25 av 28 EU-land har slutta seg til PESCO. Dei som står utanfor, er Danmark, Malta og Storbritannia.
(©NPK)
EUs utanrikssjef Federica Mogherini i samtale med formannen i EUs militærkomité, general Claudio Graziano, under forsvarsministermøtet i Brussel. Foto: Francisco Seco / AP / NTB scanpix