EU opnar for sanksjonar mot hackarar
EU vil styrke evna til å verje seg mot dataangrep og truar med sanksjonar mot dei som står bak.
Eit nytt sanksjonsregime for angrep i det digitale rommet bør kome på plass innan valet til nytt EU-parlament i mai, fastslår EU-leiarane i ei felles fråsegn torsdag ettermiddag.
Stats- og regjeringssjefane kjem samtidig med ei fordømming av hackarangrepet mot organisasjonen OPCW i Haag i april i år.
Nederland har skulda det russiske etterretningsorganet GRU for å stå bak angrepet.
(©NPK)