Få nordmenn krev erstatning for forseinka flyreiser

Berre 26 prosent av norske flyreisene krev erstatning etter flyforseinkingar, viser ei undersøking TNS Gallup har utført. 17 prosent av dei spurte nølte fordi prosessen er for komplisert, og 52 prosent visste ikkje korleis dei skulle gå fram.

Få er nemleg klar over EU-direktivet som fastset økonomisk kompensasjon på opp til 600 euro ved flyforseinkingar.

– Ein avgjerande faktor for å få fleire reisande til å søke økonomisk kompensasjon er å hjelpe dei til å få tilgang til relevant og oppdatert informasjon om moglegheita for å få kompensert forseinkinga, seier Willem van der Hooft, som starta selskapet.

– Direktivet blei innført for å styrke forbrukarrettane. For eksempel veit ikkje dei fleste nordmenn at dei kan krevje økonomisk kompensasjon for forseinka flyreiser heile ti år tilbake i tid, seier van der Hooft.

Ifølgje undersøkinga har berre 26 prosent fått skriftleg eller munnleg informasjon om kva for rettar dei har etter å ha opplevd forseinka eller innstilte fly. Og når dei har fått slik informasjon, seier berre 45 prosent at den var forståeleg. (©NPK)