Far og dotter Sanner ønskjer seg stortingsplass
Jan Tore Sanner og dottera Maria Barstad Sanner er begge klare for å bli valde inn på Stortinget for perioden 2021 til 2025.
Begge har gitt valnemnda i Høgre melding om at dei stiller seg til disposisjon, ifølgje Budstikka.
Finansminister Jan Tore Sanner (55) har vore vald inn sidan 1993. Han toppa Høgres nominasjonsliste ved dei tre siste stortingsvala, og det blir venta at han òg vil stå på førsteplassen føre valet neste år.
Dottera Maria Barstad Sanner (27) stod på 11.-plass på Akershus-lista i 2017, men håpar å rykkje opp denne gongen.
– Eg har ingen ambisjonar om å prøve å utkonkurrere topp seks, men eg ser for meg ein plass på topp ti, seier ho til avisa.
Barstad Sanner har sidan 2015 vore kommunestyrerepresentant i Bærum, der ho er nestleiar i hovudutval for bistand og omsorg.
(©NPK)
Jan Tore Sanner seier ja til ein ny periode på Stortinget. Foto: Lise Åserud / NTB scanpix