Fire av ti i bemanningsbransjen var arbeidsledige

Ei medarbeidarundersøking som NHO Service har gjennomført, viser at 40 prosent var arbeidsledige og 19 prosent studentar då dei fekk jobb i bemanningsbransjen, ifølgje fagsjef Even Hagelien.

– I ein situasjon der arbeidsløysa aukar, er det av interesse at så mange brukar bemanningsbransjen som ein inngangsport til arbeidslivet, seier Hagelien.

Han seier at undersøkinga viser at 40 prosent av dei som jobbar i bransjen, gjer det fordi den blir oppfatta som ein god inngangsport til arbeidslivet, og like mange meiner terskelen for å få jobb i bemanningsbransjen er lågare enn andre stadar.

I ein situasjon med aukande arbeidsløyse påpeiker Hagelien at det er viktig med eit godt samarbeid med Nav slik at oppgåver og ressursar blir fordelt så effektivt som mogleg for å unngå at folk blir arbeidsledige. (©NPK)