Fire døde på nederlandsk cruiseskip

Fire passasjerar er døde om bord på eit nederlandsk cruiseskip som ligg utanfor Panama og har mange menneske med influensaliknande symptom om bord.

Cruiseskipet Zaandam har 1.800 passasjerar om bord. Det har i fleire dagar segla utanfor kysten av Sør-Amerika, men vorte nekta å legge til kai i fleire land sidan det har fleire tital personar om bord som har symptom på influensa.

Skipet, som er eigd av det nederlandske reiarlaget Holland America Line, opplyser fredag at fire av passasjerane har døydd om bord på skipet.

(©NPK)

Det nederlandske cruiseskipet Zaandam blir nekta å legge til kai i Panama. Skipet har fleire koronasjuke passasjerar om bord, og fire av dei har døydd. Foto: AP / NTB scanpix